عەباس عێراقچی: زیانی زۆر بە دامەزراوەی فۆردۆ گەیشتووە

SNN

وەزیری دەرەوەی حێڕاق لە نوێترین لێدوانیدا رایگەیاند، بەهۆی هێرشەکانی ئەمریکاوە بۆ سەر فۆردۆ زیانێکی زۆر و قورس بە دامەزراوەکە گەیشتووە.

عەباس عێراقچی، وەزری دەرەوەی ئێران لە چاوپێکەوتنێکدا لەگەڵ تۆڕی ئەمریکی سی بی ئێس نیوزرایگەیاند، هێرشە ئاسمانییەکانی ئەمریکا بۆ سەر پێگەی ئەتۆمی فۆردۆ زیانێکی زۆر و بەرچاوی بە دامەزراوەکە گەیاندووە.

ئاماژەی بەوەکردووە، تا ئێستا کەس بە تەواوی نازانێت لە فۆردۆ چی ڕوویداوە، بەڵام ئەوەی تا ئێستا دیاریکراوە ئەوەیە کە دامەزراوەکان زیانی زۆر و قورسیان بەرکەوتووە.

جەختیشیکردەوە، ڕێکخراوی وزەی ئەتۆمی ئێران خەریکی هەڵسەنگاندنی ڕادەی زیانەکانە و بڕیارە ڕاپۆرتێک پێشکەش بە حکومەت بکات.

پێشتر دۆناڵد ترەمپ، سەرۆکی ئەمریکا لە وەڵامی هێرشەکاندا بۆ سەر بنکە ئەتۆمییەکانی ئێران رایگەیاندبوو، “بەرنامەی ئەتۆمی ئێران بەتەواوی لەناوچووە”، بەڵام بەرپرسانی ئەمەریکا جەختیان لەوە کردەوە، هەڵسەنگاندنی ورد بۆ ڕادەی زیانەکان نەکراوە و پێویستی بە کاتی زیاتر دەبێت.