حکومەتی عێراق پاداشتی کۆتایی خزمەت دەداتە خانەنشینان

SNN

ده‌سته‌ی خانەنشینی عێراق خەرجکردنی پاداشتی کۆتایی خزمەتی بۆ ئەو فەرمانبەرانە راگەیاند، پاداشتی کۆتایی خزمەت بۆ خانەنشینانی مەدەنی و سەربازی رادەگەیەنین کە لە چوارچێوەی مووچەی مانگی تەمموزدا داوای خانەنشینیان کردووە.

ئەمڕۆ پێنجشەممە 3ی تەمموز، حوسام عەبدولستار، جێگری سەرۆکی ده‌سته‌ی خانەنشینی عێراق لە بەیاننامەیەکدا رایگەیاند، له‌ درێژه‌ی كاره‌كانیان، كه‌ بریتین لە ئاسانکردنی رێکارەکان و خەرجکردنی شایستەی خانەنشینان، خەرجکردنی پاداشتی کۆتایی خزمەت بۆ خانەنشینانی مەدەنی و سەربازی رادەگەیەنین کە لە چوارچێوەی مووچەی مانگی تەمموزدا داوای خانەنشینیان کردووە.

ئەوەشخراوەتە ڕوو، ژمارەی تۆمارەکان گەیشتووەتە پێنج هەزار و 745 تۆمار، داوای له‌و كه‌سانه‌ كردووه‌ سه‌ردانی بانک بکەن بۆ وه‌رگرتنی پاداشتی كۆتایی.

به‌گوێره‌ی یاسای خانه‌نشینی عێراق، هەر فەرمانبەرێك له‌دوای خانه‌نشینبوونی وەك “مۆڵەتی كۆكراوە” بڕی شه‌ش مووچەی بنەڕەتی پێدەدرێت و ئەوانەشی لە 25 ساڵ زیاتر خزمەتیان هەیە جگە لەو شه‌ش مووچە بنەڕەتییە، بڕی 12مووچەی تەواو وەك پاداشتی كۆتایی خزمەت وەردەگرن.