پەرلەمانتارێكی یەكێتی: یەكێك لە مەرجەكانی بەغدا بۆ ناردنی مووچە تەوتینە

SNN-عەلی حەمە سەعید
ئەندامێكی ئەنجومەنی نوێنەرانی عێراق لە فراكسیۆنی یەكێتی ئاماژە بەوەدەكات عێراق چەند مەرجێكی هەیە بۆ ناردنی مووچەی فەرمانبەرانی هەرێم، كە بریتین لە تەوتینكردنی مووچە، ڕادەستكردنی داهاتی نانەوتی، هەناردەكردنەوەی نەوتی هەرێمی كوردستان
كاروان یاروەیس، ئەندامی ئەنجومەنی نوێنەرانی عێراق لە فراكسیۆنی یەكێتی بە SNNی ڕاگەیاند: عێراق سورە لەسەر جێبەجێكردنی داواكارییەكانی بۆ ناردنی مووچە، بۆ ئەوەش چەند مەرجێكی هەیە بۆ ناردنی مووچەی فەرمانبەرانی هەرێم، كە بریتین لە تەوتینكردنی مووچە، ڕادەستكردنی داهاتی نانەوتی، هەناردەكردنەوەی نەوتی هەرێمی كوردستان.
ئاماژەی بەوەشكرد، داواكارییەكانی عێراق ڕوون و دیارن، هەرێمیش زیاتر سیاسەتی كات كوشتن پەیڕەو دەكات، چونكە ناكرێت لەوە زیاتر فەرمانبەران و مووچەخۆران ببنە قوربانی ململانێ‌ سیاسییەكان و باجی ناكۆكییەكانی هەولێر و بەغدا بدەن.
وتەكانی ئەو پەرلەمانتارە لە كاتێكدا كە نزیكەی 65 ڕۆژە مووچەی فەرمانبەرانی هەریچم دابەشنەكراوە و تا ئیستاش هیچ ئاسۆیەك نییە بۆ دەستكردنەوە بە گفتوگۆكان و ناردنی پارەی مووچە و هەناردەكردنەوەی نەوت و كۆتایی هێنان بە كێشەكان.