شاندێکی دەمپارتی ئەمڕۆ سەردانی دورگەی ئیمراڵی دەکات

SNN

شاندێکی پارتی یەکسانی و دیموکراسی گەلان (دەمپارتی)، بە سەرۆکایەتیی پەروین بوڵدان ئەمڕۆ سەردانی زیندانی ئیمراڵی دەکات و پەیامێک بڵاودەکەنەوە.

ئەمڕۆ یەکشەممە 6ی تەمموز، شاندێکی دەمپارتی بە سەرۆکایەتی پەروین بوڵدان سەردانی عەبدوڵا ئۆجەلان دەکەن لە زیندانی ئیمراڵی، هاوکات پێبشینی دەکرێت سەردانەکە پەیوەندی هەبێت بەو پەیامەی ئۆجەلان بڕیارە لەم هەفتەیە بڵاویبکاتەوە.

ئەمە لە کاتێکدایە بڕیارە هەر لەم هەفتەیەدا ژمارەیەک لە چەکدارانی پارتی کرێکارانی کوردستان (پەکەکە) لە چوارچێوەی پرۆسەی ئاشتی لە تورکیا لە ڕێوڕەسمێکدا بە ئامادەبوونی لایەنە پەیوەندیدارەکان و بە بەرچاوی میدیاکانەوە چەکەکانیان دابنێن.

هاوکات، دوای سەردانەکەش بڕیاروایە، دەم پارتی ڕاگەیەندراوێکی فەرمی بڵاو بکاتەوە.

ئەو ساندەی سەردانی ئیمراڵی دەکەن پێکدێن:

پەروین بوڵدان – پەرلەمانتاری دەم پارتی

میدحەت سانجار – پەرلەمانتاری دەم پارتی

ئۆزگور فایەق ئەرۆڵ – پارێزەر