کەشتییەکی ئێران لە نزیک کەناراوەکانی عێراق ژێرئاو کەوت
Reuters
SNN
درەنگانێکی شەوی رابردوو کەشتییەکی ئێران، لە سنوورە ئاوییەکانی عێراقدا بە 850 تۆن ماددەی سیرامیکەوە ژێرئاو کەوت.
بە گوێرەی زانیارییە سەرەتاییەکان کە میدیاکانی عێراق بڵاویانکردووەتەوە، کەشتیەکە ناوی (بەهبەهان)ە، هەشت کەشتیوانی هەڵگرتبوو، لە ئێستادا پێنج کەسیان دەستگیرکراون و گەڕان بەدوای ئەوانی دیکەدا بەردەوامە.
کازم فنجان جێگری پارێزگای بەسڕەش رایگەیاندووە، تیمێکی فریاکەوتنی عێراقی چوون بەهانای کەشتییە تێکشکاوەکەوە و لە هەوڵی رزگارکردنی تیمی کەشتیوانیەکەدان.
تا ئێستا بەرپرسانی ئێران هیچ روونکردنەوەیەکیان لەبارەی هۆکاری ژێرئاوکەوتنی کەشتیەکە بڵاونەکردووەتەوە.
