کردنە ئامانجی بنکەکانی ئەمریکا لە قەتەر رووداوێکی بچووک نەبوو، دەکرێت دووبارە بێتەوە

SNN

عەلی خامنەیی، رابەری باڵای ئێران دەڵێت: تاران توانای گەیشتن بە شوێنە گرنگەکانی ئەمریکا لە ناوچەکەدا هەیە.

خامنەیی، لە پۆستێکدا لە هەژماری تایبەتی خۆی لە سەكۆی “ئێكس” رایگەیاندووە: ئێران بە هێرشکردنە سەر یەکێک لە بنکە گرنگەکانی لە ناوچەکە (بنکەی ئاسمانی عودەید) زلــلەیەكی لە ئەمریکادا و زیانی پێگەیاند.

خامنەیی وتیشی: ئێران توانای ئەوەی هەیە هەرکاتێک بە گونجاوی بزانێت بگاتە شوێنە گرنگەکانی ئەمریکا لە ناوچەکەدا، كردنە ئامانجی بنکەی ئاسمانی عودەید روداوێکی بچووک نییە، بەڵکو روداوێکی گەورەیە کە دەكرێت دووبارە بکرێتەوە.