ئاکسیۆس: کاربەدەستانی کۆشکی سپی لە کارەکانی ناتانیاهۆ نیگەرانن

SNN

ماڵپەڕی ئاكسیۆسی ئەمریكی رایگەیاندووە، كاربەدەستانی كۆشكی سپی  نیگەرانن لە كارەكانی بنیامین ناتانیاهۆ لە رۆژهەڵاتی ناوەراست و پێیان وایە بێ‌ باكانە هەموو شوێنێك بۆردوومان دەكات.

ماڵپەڕی ئاکسیۆسی ئەمریکی رایگەیاندووە، کاربەدەستانی کۆشکی سپی ئەمریکا نیگەرانن لە کارەکانی ناتانیاهۆ، ئەو كاربەدەستانە پێیان وایە ناتانیاهۆ لە كۆنتڕۆڵ دەرچووە و وەك منداڵێك مامەڵە دەكات و بەردەوام هەموو شتێك بۆردومان دەكات.

ئاماژەی بەوەکردووە، کاربەدەستەکان وتوویانە ئەم كارەی ناتانیاهۆ دەتوانێت ئەو شتە تێكبدات كە دۆناڵد ترەمپ سەرۆكی ئەمریكا هەوڵی بەدەستهێنانی دەدات.

بەپێی وتەی ئەو سەرچاوانە، گومانەكان لەناو ئیدارەی ترەمپدا بەرامبەر بە ناتانیاهۆ پەرەی سەندووە، چونكە  سەرەڕای ئاگربەستی سوەیدا  بە نێوەندگیری ئەمریكا لە سوریا، هەست دەكەن ناتانیاهۆ  بێباكانە ئامادەیە هێز بەكاربهێنێت و ئاژاوە لەناوچەكە دروست دەكات، ئەمەش وایكردووە   نیگەرانییەكان لە كۆشكی سپی سەبارەت بە ناتانیاهۆ و سیاسەتە ناوچەییەكانی پەرەبسێنێت .