دادگای باڵای فیدراڵی دەركردنی ئەمری وەلائی ڕەتكردەوە بۆ ناردنی مووچەی فەرمانبەران
دادگای باڵاى فیدراڵی عێراق | فۆتۆ: iraqja.iq
SNN-عەلی حەمە سەعید
دادگای بالای فیدراڵی عێراق لە دانیشتنی ئەمڕۆی خۆیدا دوو سكالای ڕەتكردەوە كە تایبەت بەوو بە هەرێمی كوردستان، سكاڵایەكیان لەسەر مووچە و ئەویدیكەشیان لەسەر پرۆژەی ڕووناكی.
لە دانیشتنەكەی ئەمڕۆی دادگای بالای فیدراڵی، كە چاوەڕواندەكرا ئەمری وەلائی دەربكات بۆ بەردەوامیدان بە ناردنی مووچە دوور لە ململانێ سیاسییەكانی نێوان هەولێر و بەغدا، سكالاكەی ڕەتكردەوە و هیچ ئەمرێكی وەلائی بۆ دەرنەكرد.
هەر لە دانیشتنەكەی ئەمڕۆی دادگای بالای فیدراڵیش ئەو سكاڵایەیە ڕەتكرایەوە كە لەسەر گرانی پارەی كارەبای پرۆژەی ڕووناكی لەدادگای بالای فیدراڵی تۆماركرابوو، ئەوەش بە هۆكاری ئەوەی ئەو بابەتە لە تایبەتمەندی دادگای بالای فیدراڵی نییە.
ڕەتكردنەوەی ئەو سكالایەی كە تایبەت بە مووچە لەكاتێكدایە كە فەرمانبەران و مووچەخۆرانی هەرێم هیوایەكی زۆریان بە دادگای بالای فیدراڵی هەڵچنیبوو كە ئەمرێكی وەلائی دەربكات بۆ بەردەوامیدان بە ناردنی مووچەی فەرمانبەرانی هەرێم دوور لە ململانێ سیاسییەكانی نێوان هەولێر و بەغدا.
