ئەنجومەنی وەزیرانی هەرێم کۆدەبێتەوە و تاوتوێی پرسی مووچە دەکات

SNN-

ئەنجوومەنی وەزیرانی هەرێمی كوردستان تاوتوێی پرسی مووچەی مانگەكانی 6و7 و هەناردەكردنەوەی نەوت دەكات.

ئەمڕۆ چوارشەممە 30ـی تەممووزی 2025، ئەنجوومەنی وەزیرانی هەرێمی كوردستان، بە سەرپەرشتیی مەسرور بارزانی، سەرۆكی حكوومەتی هەرێمی كوردستان و ئامادەبوونی قوباد تاڵەبانی، جێگری سەرۆكوەزیران كۆدەبێتەوە.

وەك لەكارنامەكەیدا هاتووە، كۆبوونەوەكە سێ تەوەر لەخۆدەگرێت:

– بە بەدواداچوون بۆ دوا هەنگاوەكانی مووچەی مانگی حوزەیران و تەممووزی فەرمانبەرانی هەرێمی كوردستان.

– تاوتوێی دەستپێكردنەوەی هەناردەی نەوتی هەرێمی كوردستان دەكرێت، لە ژێر ڕۆشنایی ڕێككەوتنی هاوبەشی نێوان حكوومەتی هەرێمی كوردستان و حكوومەتی عێراق، هەروەها كەمال محەممەد، وەزیری سامانە سروشتییەكان (بە وەكالەت) ڕاپۆرتی وەزارەتەكەی سەبارەت بە بەرهەمهێنانی نەوت و هەنگاوەكان بۆ هەناردەكردنەوەی دەخاتەڕوو.

– خستنەڕووی چەند پێشنیازێكی وەزارەتی پێشمەرگە سەبارەت بە خزمەت و خانەنشینی هێزەكانی پێشمەرگە، مووچە و شایستە داراییەكانیان.