بومەلەرزە
SNN-
بوومەلەرزەیەکی بەهێز نیمچە دوورگەی کامچاتکای روسیای هەژاند و لە هەندێ ناوچەی ئەو وڵاتە و ژاپۆن بووە هۆی دروستبوونی تسونامی.
بوومەلەرزەکە بە گوڕی 8.8 پلەی رێختەر بوو و کۆمەڵێک پاشلەرزەی بەهێزیشی بەدوادا هات و بووە هۆی دروستبوونی تسونامی لە هەندێک ناوچەی کەناراوی زەریای هێمن.
وەزارەتی کاروباری نائاسایی روسیا بڵاویکردەوە، تسونامی دروستبووە و بەشێک لە شارۆچکەی سڤیرۆ کورلیسکی داوە و بەو هۆیەوە نزیکەی 2 هەزار کەس لە دانیشتووانەکەی بۆ شوێنی سەلامەت گوێزراونەتەوە.
هاوکات، میدیای فەرمیی روسیاش بڵاویکردەوە، لە ئەنجامی بوومەلەرزەکە ژمارەیەک کەس بریندار بوون، بەڵام برینی هیچ کامیان سەخت نییە.
لە ساڵی 1952 ـەوە ئەمە یەکەمین جارە بومەلەرزەیەک بەو بەهێزییە ناوچەکە بگرێتەوە.
