چوار کەس لە بـــەردەڕەش لە کاتی مەلەکردندا خنکان

SNN-

بڕوا فاروق، قایمقامی بەردەڕەش رایگەیاند، لە رووباری خازر لە سنووری قەزای بەردەڕەش چوار کەس لە کاتی مەلەکردن دا خنکان.

ئاماژەی بەوەشکرد، ئەو چوار کەسە بۆ سەیران چووبوونە لێواری رووباری خازر لە گوندی کانیلانی سنووری بەردەڕەش و هەرچواریان بەدوای یەکدا خنکاون.

قایمقامی بەردەڕەش وتیشی، “دوو لەو کەسانەی خنکاون برای یەکترن و هەرچوار خنکاوەکە تەمەنیان بچووکە.”

زانیاری ئەو چوار کەسەی لە رووباری خازر خنکان:

ئوسامە محەممەد عەزیز، لەدایکبووی 2003
مەحموود جەمال عەبدولواحید، لەدایکبووی 2004
بیلال کەمال مستەفا، لەدایکبووی 2007
محەممەد کەمال، لەدایکبووی 2008