دۆناڵد ترەمپ
SNN-
دۆناڵد ترەمپ، سەرۆکی ئەمریکا رایگەیاند، دەبێت ئیسرائیل خۆراک بە خەڵکی غەززە بدات و چیتر بارودۆخی ترسناک و کارەساتباری برسیکردنی خەڵکی کەرتەکە قبوڵ ناکات.
ترەمپ وتیشی، ئەمریکا دەیەوێت خەڵکی غەززە خۆراکیان هەبێت، هەر بۆیە واشنتۆن تاکە وڵاتە پاڵپشتی دارایی بۆ دابین دەکات.
ئاماژەی بەوەشکرد، “نوێنەر تایبەتەکەم، ستیڤ ویتکۆف، لە چوارچێوەی دانوستانەکاندا لە ئیسرائیل زۆر کاری کردووە، ئێمە دەمانەوێت خەڵک خۆراکیان پێبدرێت، دەمانەوێت ئیسرائیل خۆراکیان پێبدات، نامانەوێت خەڵک برسی بن و لە برسا بمرن.”
ئەمەش لە کاتێکدایە، پێشتر وەزارەتی دەرەوەی ئەمریکا 30 ملیۆن دۆلاری وەک هاوکاری مرۆیی بۆ غەززە تەرخان کردبوو، بەڵام تا ئێستا تەنیا 3 ملیۆن دۆلار بە ناوی “سندوقی مرۆیی غەززە” گواستراوەتەوە.
