SNN-
شاڵاو هیدایەت شارەزای بواری كەشناسی بڵاویكردەوە، پاش لێكدانەوەی وردمان دەردەكەوێت كە وەرزی دابارینی داهاتووی 2025- 2026 ز وشكە ساڵی نابێت و ساڵێكی ئەرێنی و باش دەبێت لەهەرێم و عێراق و وڵاتانی بیلاد شام بەو پێیەی لەناووەرزی گەرمای ئەمساڵ لە پێش و دوای هەر ڕەشەبایەك بای شەماڵ چالاكی هەبووە وە زیاتر بووە لەڕەشەبا ئەمەش ئاماژەی ئەوەیە تا ئێستا كە وەرزی دابارینی داهاتوو باش دەبێت لەڕووی باران و بەفرو دابارینەوە و هەردوو زەریای جەمسەری باكورو زەریای ئەتڵەسی لە بەرژه وەندیماندا دەبن.
راشئگەیاند، وەرزی دابارینی داهاتوو گەردەلولی جەمسەری (ناجێگیر) واتا شەپۆلدار لە بەرژەوەندیماندا دەبێت ئەمەش پێچەوانەی جێگیریه كەیە واتا ساڵە وشكەكان، وە هۆكاری تەواوە بۆ هاتنە خوارەوەی بارستە هەوای ساردو نزمە پەستانی جەمسەری بۆ ناوچەكانمان كە دەبنە زیاد بوونی شەپۆلە كانی دابارین بارانو بەفرو تەرزە بەبڕی پێویست و باش.
دەشڵێت، هەرچەندە لە سەرەتای وەرزو ناو پایزدا ئەگەری ناڕێكی هەیە لەدابارین، بەڵام لەگەڵ گەڕانەوەی تەڕوو توشی بۆ ناوچەكە هەر لەدوای ناوەڕاستی پایز دۆخەكە بەرەو ئاسایی بونەوەو باش بوون دەڕوات هەموو وەرزەكان لە پار باشتر دەبن هەروەها لەهەموو وەرزهكان شەپۆلی بەهێزی دابارینی تێدا دەبن و وە پەڵەش لەنێوان مانگی یانزەو دوانزه لەهەموو ناوچەكان دەدات زۆر بەباشی و بەڕێكو پێكی هەر لەزاخۆوە تاخانەقین.
