پارێزگاری بانکی ناوەندی عێراق: لە 80%ی پارەی عێراق لە ماڵەکاندا هەڵگیراوە

SNN-

پارێزگاری بانکی ناوەندی عێراق جەخت لە چاکسازی سیستمی بانکیی دەکاتەوە و دەشڵێت: هاووڵاتییان متمانەیان بە بانکەکان نییە و لە 80٪ی پارەی عێراق لە دەرەوەی بانکەکاندان.

عەلی عەلاق، پارێزگاری بانکی ناوەندی عێراق بە ڕۆژنامەی سەباح-ی ڕاگەیاندووە: پلانی چاکسازی بانکیی 2025، هەنگاوێکی ستراتیژییە بۆ پتەوکردنی متمانە بە سیستمی بانکیی عێراق و چارەسەرکردنی گرفتەکان.

دەشڵێت: بە هۆی لاوازیی متمانەی هاووڵاتییان بە سیستمی بانکیی، 80٪ی دراوی عێراق لە ماڵەکاندا هەڵگیراون.

عەلی عەلاق ڕاشیگەیاند، ئامانجی ئەو پلانەی بۆ چاکسازی دایانڕشتووە نوێکردنەوەی بانکەکانە لەسەر بنەما پێودانگە نێودەوڵەتییەکان و ڕاکێشانی کۆمپانیا جیهانییەکان و تەنیا 10٪ی بانکەکان تێبینییان لەسەر پلانەکەی بانکی ناوەندی هەبووە.