لە بارەی درەنگ وەرگرتنی بەشەخۆراکی مانگانە هۆشداری بە هاووڵاتییان دەدرێت
بریکارێکی خۆراک
SNN-
بەڕێوەبەرایەتیی بازرگانی و كەلوپەلی خۆراكی هەولێر دەڵێت، هەر هاووڵاتییەک كەمتەرخەم بێت لە وەرگرتنی بەشەخۆراکەکەی و نەچوونی بۆ لای بریكار، ناوی لە پسوڵەی خۆراك دەسڕدرێتەوە.
بەڕێوەبەرایەتیی بازرگانی و كەلوپەلی خۆراكی هەولێر لە ڕاگەیەندراوێکدا بڵاویکردەوە، لیژنەیەك پێكهێنراوە لەلایەن وەزارەتی بازرگانیی عێراق سەرپەرشتی دەكرێت و سەردانی بریكارەكانی خۆراك دەكەن، هەر بریكارێك لە شوێنی دابەشكردنەكەی دوكان یان ماڵ بەشەخۆراكی مانگەكانی پێشووتری لێ ببیندرێت بەشەخۆراكەكە دەستی بەسەردا دەگیرێت.
دەشڵێت: هەر هاووڵاتییەک كەمتەرخەم بێت لە وەرگرتنی بەشەخۆراکەکەی و نەچوونی بۆ لای بریكار ناوی لە پسوڵەی خۆراك دەسڕدرێتەوە.
