هەرێم و بەغدا لەسەر هەناردەكردنەوەی نەوت ڕێككەوتوون، بەڵام داهاتی نانەوتی بووەتە گرفت
عەلی حەمەسەعید-SNN
لەگەڵ ئەوەی مانگێك تێدەپەڕێت بەسەر ڕێككەوتنی نێوان هەولێروبەغدا، بەڵام تا ئێستا تەنها مووچەی مانگی پێنج نێردراوە، هاوكات ڕێككەوتن لەسەر هەناردەكردنەوەی نەوت كراوە، بەڵام داهاتی نانەوتی بووەتە گرفت لەبەردەم هەناردەكردنەوەی نەوت و ناردنی مووچە.
بەگوێرەی ئەو زانیارییانەی كە لەنێنەرانی كوردەلە بەغدا بە SNNدراون ئەوەخراوەتەڕوو، بابەتی هەناردەكردنەوەی نەوت ماوەی هەفتەیەكە ڕێككەوتنی كۆتایی لەسەركراوە و هەردولا لەسەر ئەوە ڕێككەوتوون بڕی بەرهەمهێندراوی نەوتی هەرێم هەرچەند بێت وەریبگرن پاش ئەوەی 50 هەزار بەرمیل نەوتیان بۆ بەكار بردنی ناوخۆیی لێجیاكردەوە، هاوكات حكومەتی هەرێمیش بەمە ڕازی بووە.
ئاماژەی بەوەشكرد، ئەوەی ئێستا بووەتە گرفت لەبەردەم ناردنی مووچە، ئەوەیە كە عێراق جگە لە ڕادەستكردنی نەوت داوای لە%50ی كۆی گشتی داهاتی هەرێم دەكات، ئەمەش لای حكومەتی هەرێم ڕەتكراوەتەوە و دەیەوێت تەنها لە%50ی داهاتە فیدراڵییەكان ڕەوانەی بەغدا بكات.
SNNئەوەشی زانیوە كە حكومەتی هەرێم دەیەوێت بابەتی داهاتی نانەوتی لەگەڵ بەغدا یەكلایی بكاتەوە و هاوكات گەرەنتی ئەوەش وەربگرێت كە بەغدا مانگانە لەكاتی خۆیدا مووچە دەنێرێت پاشان نەوت ڕادەستی كۆمپانیای سۆمۆ بكات.
