ترەمپ: دەمەوێت بچمە بەهەشتەوە

SNN-

سەرۆکی ویلایەتە یەكگرتووەكانی ئەمریکا دەڵێت: ئەگەر بتوام ئاشتی لە ئۆکرانیا بەدەستبهێنم، ئەوا ئەم دەستکەوتە دەتوانێت یارمەتیم بدات بچمە بەهەشتەوە، بە گاڵتەجاڕیشەوە ئاماژەی بەوەدا، لە ئێستادا چانسی بۆ بەدەستهێنانی بەختەوەری ئەبەدی کەمە.

پێشتر ترەمپ ئاماژەی بە خواستی خۆی کردبوو بۆ کۆتاییهێنان بە شەڕی ئۆکرانیا لە پێناو بەدەستهێنانی خەڵاتی نۆبڵی ئاشتی، کە هیچ دەرفەتێک لەدەست نادات و جەخت لەوە نەكاتەوە شایەنی ئەوەیە بەدەستی بهێنێت.

ترەمپ، لەمیانی بەشداریكردنی لە بەرنامەیەك لە تۆڕی “فۆکس نیوز” کە تۆڕێکی تەلەفزیۆنی دڵخوازە لای موحافزكارەكان، وتی: دەمەوێت هەوڵبدەم ئەگەر بتوانم بچمە بەهەشت.

ئاماژەی بەوەشکرد: گوێم لێدەبێ‌ كە لە دۆخێكی باشدا نیم، بەڕاستیش لە بنی پلیکانەکەدام، بەڵام ئەگەر بتوانم بچمە بەهەشت، ئەوە دەبێتە یەکێکە لە هۆکارەکان.

کارۆلین لیڤیت، وتەبێژی کۆشکی سپی لە لێدوانێکیدا سەبارەت بە خواستی ترەمپ بۆ چوونە بەهەشت لە ڕێگەی ئاشتی لە ئۆکرانیا، بە رۆژنامەنوسانی راگەیاند: سەرۆك جددی بووە لە لێدوانەكەی، كاتێك باسی چوونە بەهەشتی كردووە، وتیشی: پێش کۆبونەوەکانی رۆژانەی، نوێژ دەکات.