SNNهۆكاری زیاتر بەرزبوونەوەی دۆلار ئاشكرا دەكات

عەلی حەمە سەعید-SNN

ئەمڕۆ 100 دۆلار بەرامبەر بە 142 هەزار دیناری عێراقی لە بازاڕی دراوەكانی هەرێمی كوردستان مامەڵەی پێوەكرا، ئەوەش دوای ئەوەی ماوەی هەفتەیەك زیاتر نرخی دۆلار زیاتر بەرەو بەرز بوونەوە دەڕوات، بەوتەی شارەزایانی دراوە بیانییەكانیش پێشبینی زیاتر بەرزبوونەوەی نرخی دۆلار دەكەن.

ئاری بەكر، شارەزا لە دراوە بیانییەكان و خاوەن نوسینگەی ئاڵوگۆڕی دراو لە بازاڕی دۆلارەكەی سلێمانی بە SNNی ڕاگەیاند: ئەمڕۆ 100 دۆلاری ئەمریكی لە بازاڕی دۆلارەكەی سلێمانی گەیشتە 142 هەزار و 350 دینار، ئەوەش دوای ئەوەی لە هەفتەی پێشووتر 100 دۆلار لە خوار 140 هەزار دینارەوە مامەڵەی پێوەدەكرا.

ئاماژەی بەوەشكرد، چەند هۆكارێك لە پشت بەرزبوونەوەی نرخی دۆلار و نزم بوونەوەی نرخی دینارن، گرنگرتین هۆكار بۆ نزم بوونەوەی نرخی دینار، پەیوەندی بە بارودۆخی سیاسی عێراقەوە هەیە، بەتایبەت ئێستا هەوڵێكی زۆر هەیە بۆ ئەوەی پرۆژە یاسای حەش-دی شەعبی پەسەند بكرێت، بە پەسەندركدنی ئەو پرۆژەیاسایەش بێگومان 100 دۆلار نزیك دەبێتەوە بۆ سەروو 150 هەزار دینار.

ئەو شارەزایەی بواری دراوە بیانییەكان ئەوەشی خستەڕوو، هۆكارێكی دیكەی بەرز بوونەوەی نرخی دۆلار ئەوەش كە ئێستا خواست لەسەر كڕینی دۆلار زیادیكردووە، ئەو خواستەش بۆ ئەوە دەگڕێتەوە كە پێشوتر بانكی ناوەندی عێراق پسوولەی خەرجكردنی پارەی دوا نەدەخست بۆ بازرگانەكا بەلام ئێستا بانكی ناوەندیی عێراق خەرجكردنی پسوولەش دوا دەخات، ئەمەش وایكردووە بازرگانەكان ڕوو لە بازاڕی دۆلار بكە نبۆ بەدەستخستنی دۆلار ئەمەش خواستی لەسەر دۆلار زیادر كردووە.