نێردەی نەتەوە یەکگرتووەکان لە عێراق: سزاكەی شێروان شێروانی ستەمكارانەیە
SNN-
نێردەی نەتەوە یەکگرتوەکان بۆ هاریکاریی عێراق (یونامی) نیگەرانی خۆی سەبارەت بە سزادانی بەندکردنی شێروان شێروانی لە هەرێمی کوردستان دەردەبڕێت و دەڵێت: سزاكەی شێروان شێروانی ستەمكارانەیە و دادگا پاساوی قەناعەتپێکەری بۆ ئەو سزایە پێشكەش نەكردووە و داوا لە دەسەڵاتدارانی هەرێم دەكەین زامنی شەفافیەت و دادپەروەری بكەن.
نێردەی نەتەوە یەکگرتوەکان بۆ هاریکاریی عێراق (یونامی) نیگەرانی خۆی دەردەبڕێت سەبارەت بە بڕیاری دادگای بنەسڵاوە لە ڕۆژی 19ی ئابی 2025دا بە سزادانی رۆژنامەنووس شێروان شێروانی بە چوار ساڵ و نیو بەندکردن بە تۆمەتێک کە ئەو خۆی ڕەتیکردووەتەوە.
یونامی لە بەیاننامەیەکدا رایگەیاندووە: رەنگە سزاکە نەگونجاو بێت و جێبەجێکردنی ستەمكارانە بێت، ئاماژەی بەوەشکردووە: دادگا پاساوی قەناعەتپێکەری پێشكەش نەكردووە، لەبارەی ئەو بارۆدۆخە توندەی بۆ دۆسیەكە دروستكراوە.
دەشڵێت:هێشتا سزاکە شیاوی تانە لێدانەو، یونامی کە بەشداری دانیشتنی دادگای کردووە، بەردەوام دەبێت لە چاودێریکردنی دۆسیەکە، داوا لە دەسەڵاتدارانی هەرێمی کوردستانیش دەکات کە دڵنیابن لەوەی کە دادگاییکردنی تاوانباران بەشێوەیەکی ڕوون و ڕەوا و بەگوێرەی پێوەرە نێودەوڵەتییەکان بەرێوە بچێت.
