کۆمپانیای DNOی نەرویجی: ئاستی بەرهەمهێنانی نەوت لە هەرێمی کوردستان زیادیکردووە

SNN

کۆمپانیای DNOی نەرویجی تایبه‌ت به‌ نەوت و غاز لە راپۆرتێکدا رایگەیاندووە، ئاستی بەرهەمهێنانی نەوت لە کێڵگە نەوتییەکانی هەرێمی کوردستاندا بەرزبووەتەوە کە بڕەکەی 258 ملیۆن دۆلارە.

ئەمڕۆ پێنجشەممە 21ی ئاب، کۆمپانیای DNOی نەرویجی تایبه‌ت به‌ نەوت و غاز ڕاپۆرتی چاره‌كی دووه‌می به‌رهه‌مهێنانی له‌ هه‌رێمی كوردستان بڵاوكرده‌وه‌ و رایگەیاند، ئاستی بەرهەمهێنانی نەوت بەرزبووەتەوە.

ئاماژەی بەوەکردووە، داهاتەکە بە ڕێژەی 37% زیادیکردووە بۆ 258 ملیۆن دۆلار و قازانجی کارکردن بە ڕێژەی 206% زیادیکردووە بۆ 86 ملیۆن دۆلار.

هاوکات، بەرهەمی پاک لەماوەی ئەو چارەکەدا بەڕێژەی لەسەدا 10 زیادیکردووە و گەیشتوەتە 92 هەزار و 600 بەرمیل هاوتای نەوت لە ڕۆژێکدا، لەو ژمارەیەش 56 هەزار و 100 به‌رمیل ڕۆژانه‌ لە هەرێمی کوردستانەوە بووه‌، 33 هەزار و 300 به‌رمیل ڕۆژان لە دەریای باکورەوە و سێ هەزار و 200 بەرمیل نەوت لە ڕۆژئاوای ئەفریقاوە بووه‌.

كۆمپانیای (DNO) ئەو (55) هەزار بەرمیلە بە نزیكەیی بە یەكسانی لە نێوان كێڵگەكانی تاوكێ و پێشخاپوردا دابەشكراوە.