84 رۆژە مووچەخۆرانی هەرێمی کوردستان مووچەیان وەرنەگرتووە، حکومەتی هەرێمیش یەک مانگە کۆنەبووەتەوە
مەسرور بارزانی سەرۆکی حکومەتی هەرێمی کوردستان
ئەم هەفتەیەش حكومەتی هەرێم كۆنابێتەوە، مانگێكە هیچ كۆبوونەوەیەكی ئەنجومەنی وەزیران بەڕێوەنەچووە
عەلی حەمە سەعید-SNN
ماوەی نزیكەی مانگێكە كۆبوونەوەكانی ئەنجومەنی وەزیرانی هەرێم ڕاگیراون و سەرچاوەیەکیش لە ئەنجوومەنی وەزیران دەڵێت: ئەم هەفتەیەش كۆبوونەوەی ئەنجومەنی وەزیرانی هەرێم بەڕێوەناچێت.
سەرچاوەیەک لە ئەنجوومەنی وەزیران بە SNNی ڕاگەیاند: بۆ ئەم هەفتەیەش كۆبوونەوەی ئەنجومەنی وەزیرانی هەرێم بەڕێوە ناچێت، بە بێ ئەوەی هۆكاری كۆنەبوونەوەی ئەنجومەنی وەزیران بخاتەڕوو.
ئەوەش لەكاتێكدایە كە چوارەم هەفتەیە حكومەتی هەرێم كۆنابێتەوە بۆ باسكردن لە پرسی مووچە و ڕێككەوتنەكانی لەگەڵ بەغدا لەبارەی پرسی نەوت و داهاتی نانەوتی، هاوكات تا ئێستاش دیار نییە كە بەغدا كەی پارەی مووچەی مانگی شەشی فەرمانبەرانی هەرێم ڕەوانە دەكات لەكاتێكدا نزیك دەبینەوە لەمانگی نۆ.
