ئەنجومەنی وەزیرانی عیراق پرسی نەوت و موچەی هەرێم تاوتوێ دەکات

SNN-

ئەمڕۆ ئەنجومەنی وەزیرانی عێراق کۆبوونەوەی ئاسایی هەفتانەی خۆی ئەنجامدەدات و پرسی مووچەی مانگی شەشی مووچەخۆرانی هەرێم تاوتوێ دەکرێت.

بەپێی زانیارییەکانی، ئەمڕۆ سێشەممە ئەنجومەنی وەزیرانی عێراق کۆبوونەوەی ئاسایی هەفتانەی خۆی ئەنجامدەدات و لە کۆبوونەوەکەدا ئەو راپۆرتانەی لەلایەن لیژنە هاوبەشەکانی هەرێم و بەغدادەوە ئامادەکرابوو دەخرێنەروو.

ئەمەش لە کاتێکدایە پێشتر غەریب ئەحمەد، ئەندامی ئەنجومەنی نوێنەرانی عێراق رایگەیاندبوو، “تەیف سامی وەزیری دارایی عێراق بابەتێکی لەسەر پرسی مووچە ئامادەکردووە و لە کۆبوونەوەی رۆژی سێشەممەی ئەنجومەنی وەزیرانی عیراق دەیخاتەڕوو.”