شیرین یونس
عەلی حەمەشەعید-SNN
ئەندامێكی پەرلەمانی كوردستان ئاماژە بەوەدەكات شتێكی زۆر كۆمیدیە كاتێك پارتی باسی سەروەری یاسا دەكەن لەكاتێكدا خۆیان نازانن واتای ووشەی یاسا چییە، دەشڵێت” میدیاكانی پارتی كاریان ئەوەیە بڕشێنەوە بە هێزە كورد پەروەرەكاندا.
شیرین یونس، ئەندامی پەرلەمانی كوردستان لە فراكسیۆنی یەكێتی بە SNNی ڕاگەیاند: پارتی لەوەتەی هەیە شتێكی نەكردووە یاسایی بێ ، بۆیە پارتی هەمووشتێك بەپێچەوانەوە دەبینێ و هەرچی پارتی گوتی تۆ پێچەوانەكەی وەرگرە ڕێك تەواوە، هەردوێنێ پارتی تەواوی هێزەكەی برد بۆ گرتنی خورشید هەركی بەڵام بەلوتی شكاوەوە گەڕانەوە هەولێر.
ئاماژەی بەوەشكرد، میدیای پارتی ڕسواترین و نابەرپرسترین میدیایەو ئیشی ئەوان ڕشانەوەیە بەهێزە كورد پەروەرەكان، بەجۆرێك میدیایەكەیان تەنها كارلەسەر دڵخۆشكردنی دووژمنانی كورد دەكەن ، پارتی بۆ شاردنەوەی شكستەكانی خۆی لەحكومڕانی و بەربەست دروستكردن بۆ هاتنی مووچە لەبەغداوە دێت خەریكی چەواشەكاریە و بە بەرنامە كار بۆ ئەوە دەكات.
