رەزامەندی درا بە خستنەبازاڕی دەرمانی چارەسەری نەخۆشی ئایدز
کۆمپانیای گیلیاد
SNN
کۆمپانیای “گیلیاد”ی ئەوروپی بۆ یەکەمجار لەسەر ئاستی جیهان توانی دەرمانێک وەک چارەسەر بۆ نەخۆشی گوازراوەی ئایدز بدۆزێتەوە و کۆمسیۆنی ئەوروپاش رێگەیدا کە دەرمانەکە لە سەرجەم وڵاتانی یەکێتی ئەوروپا بەکاربهێدرێت وەک قۆناغی یەکەم.
دەرماناکە خۆی دەبینێتەوە لە دوو دەرزی کە تووشبوو لە یەکساڵدا دەیدات لە خۆی واتا هەر شەش مانگ جارێک کەسی تووشبوو بە ئایدز دەرزییەکە بەکاردەهێنێت، بەبێ ئەوەی پێویست بکات کەسی تووشبووی ئایدز رۆژانە چەندین دەنک حەب بخۆن بۆ ئەوەی بەرگری جەستەیان دانەبەزێت و ڤایرۆسەکە کاریگەری لاوەکی نەکاتە سەریان.
دەرمانەکە لە وڵاتانی ئەوروپا بە “یۆتۆ” ناسراوە، لەکاتی ئێستادا نزیکەی 25 هەزار تووشبووی نوێی ئایدز لە فەرەنسادا هەیە، بۆیە راستەوخۆ دەرزییە بۆ ئەو کەسانە بەکاردەهێندرێت.
