تانکەکانی ئیسڕائیل بەرەو نێوجەرگەی غەززە دەستیان بە جوڵەکرد

SNN

ماڵپەڕی سكای نیوز عەرەبی ئەمڕۆ دووشەممە رایگەیاند، سوپای ئیسرائیل بەردەوامە لە شەڕی حـ.ـەمـ.ـاس لە سەرانسەری کەرتی غەززە و لە ماوەی ڕۆژی ڕابردودا چەندین بینای سەربازی و پێگەیان بۆردومان کردوە کە بۆ دەستپێکردنی هێرش بۆ سەر سەربازان بەکارهاتوون.

ئیسرائیل بەردەوامە لە جێبەجێکردنی پلانێک بۆ کۆنترۆڵی تەواوی کەرتی غـ.ـەززە، بە ئامانجی لەناوبردنی حـ.ـەماس و ڕزگارکردنی 48 بارمتەی ماوەتەوە دوای نزیکەی دو ساڵ لە دەستپێکردنی جەنگەکە.

بە وتەی شایەتحاڵەكانیش، “ئیسرائیل تانکەکانی بردووەتە ناو شاری غـ.ـەززە بەبێ هیچ بەرپەرچدانەوەیەک”

دانیشتوان ڕایانگەیاند، هێزەکانی ئیسرائیل ئۆتۆمبێلی زرێپۆشی کۆنیان بردوەتە بەشەکانی ڕۆژهەڵاتی گەڕەکی شێخ ڕەزوانی قەرەباڵغی غەززە و پاشان لە دورەوە تەقاندویانەتەوە، ئەمەش بوەتە هۆی وێرانکردنی چەندین ماڵ و ناچارکردنی خێزانێکی زیاتر بە هەڵهاتن.