حكومەتی توركیا لە بەرامبەر هەڕەشەكانی لە ئیسرائیل تەنها یەك رێوشوێنی نەگرتووەتەبەر

SNN

ئەحمەد داود ئۆغلۆ، سەرۆكی حزبی ئایندەی توركیا دەڵێت: هاكان فیدان بانگەشەی لە ناوبردنی ئیسرائیل دەكات، من لە حكومەتی توركیا دەپرسم، لە بەرامبەر هەڕەشەكانی لە ئیسرائیل، چی كردووە.

دواد ئۆغلۆ، لە دیدارێكی تەلەفیزۆنیدا ئاماژە بەوەدەكات: تەنها یەك رێوشوێنیان بەرامبەر ئیسرائیل نەگرتووەتەبەر، با سەیری ئامارەكان بكەين، لەنێو دەوڵەتی ئیسلامییەكاندا توركیا بە یەكەم وڵات دادەنرێت كە زۆرترین قەبارەی بازرگانی لەگەڵ ئیسرائیل هەیە، دوای ئەو ئیمارات و پاشان میسر.

داود ئۆغلۆ راشیدەگەیەنێت: توركیا پێنجەم گەورە هاوبەشی بازرگانی ئیسرائیلە لە جیهان، ئەمە ئەو لۆژیكە عەرەبییە كۆنەیە، كە پێویستە لێی دووربكەوینەوە، عەرەب قسە زۆردەكات و كاری كەم دەكات.