هەواڵێکی خۆش بۆ هەزاران دەرچوو؛ دەرگای دامەزراندن دەکرێتەوە

SNN-

وەزارەتی خوێندنی باڵا و توێژینەوەی زانستیی هەرێمی کوردستان، لە هەنگاوێکی گرنگدا داوای لیستی ناوی هەزاران دەرچووی زانکۆکان دەکات بە مەبەستی دامەزراندنیان لەسەر میلاکی وەزارەتی دارایی حکومەتی فیدراڵی عێراق. ئەم بڕیارە هیوا بۆ ژمارەیەکی زۆری ئەو گەنجانە دەگەڕێنێتەوە کە ساڵانێکە چاوەڕێی دامەزراندنن.

کێن ئەوانەی ئەم بڕیارە دەیانگرێتەوە؟

بەپێی نووسراوێکی فەرمی وەزارەتی خوێندنی باڵا، داوا لە سەرجەم زانکۆ حکومییەکان کراوە کە ناوی ئەم دەرچووانەی خوارەوەیان بۆ بنێرن.

سێ یەکەمەکانی سەرجەم بەشەکان: ئەو خوێندکارانەی کە لەسەر ئاستی بەشەکانیان پلەکانی یەکەم و دووەم و سێیەمیان بەدەستهێناوه‌.

سەرجەم دەرچووانی بەشە پزیشکی و تەندروستییەکان: ئەمەش هەموو دەرچووانی کۆلێژ و پەیمانگاکانی پزیشکی گشتی و بەشە تەندروستی و پزیشکییەکانی تر دەگرێتەوە
ئەم بڕیارە دەرچووانی ساڵانی خوێندنی 2017-2018 تاوەکو 2024-2025 دەگرێتەوە، کە تا ئێستا دانەمەزراون.