رۆژئاوای کوردستان لەبارەی جیابوونەوە لە سوریا وەڵامی ئەحمەد شەرع دەداتەوە
SNN
دوای ئەوەی ئەحمەد شەرع سەرۆکی کاتی سوریا کوردانی رۆژئاوای کوردستانی بە هەوڵدان بۆ جیابوونەوە لەو وڵاتە تۆمەتبارکرد و باسی لەوەشکرد، زۆربەی دانیشتووانی باکوور و رۆژهەڵاتی سوریا عەربن، ئیدارەی خۆبەڕێوەبەڕێوەبەری سوریا وەڵامی دایەوە.
فەرمانگەی پەیوەندییەکانی دەرەوەی ئیدارەی خۆبەڕێوەبەریی باکوور و رۆژهەڵاتی سوریا (رۆژئاوای کوردستان) لە راگەیەندراوێکدا ئاماژەی بەوەکردووە: پێناسەکردنی داواکاری بەشداری سیاسی و حوکمڕانی ناناوەندی بە بانگەوازی جیابونەوە، پێناسەیەکی پێچەوانەی راستییە، بە کردەوە دەبێتە هۆی زیادبوونی دووبەرەکی لە نێوان سورییەکان نەک پتەوکردنی یەکڕیزییان.
راشیگەیاندووە، قسەکردن لەسەر رێژەی دانیشتوان و جیاکردنەوەی پێکهاتەکانی باکور و رۆژهەڵاتی سوریا لە یەکتر، رێبازێکی هەڵەیەو هەڕەشە لە بنەماكانی پێکەوەژیانی هاوبەش دەکات و هەر ئەگەرێکی دوبارە بونیادنانەوەی متمانەش لەناو سورییەکان لەباردەبات.
