لە كفری كوڕ و باوكێك لە ماڵی خۆیان كوژران، پەیوەندی بە كوشتنی ئەكبەری حاجی ڕۆستەمەوە هەیە؟

عەلی حەمە سەعید-SNN

كەمێك لەمەوبەر لە قەزای كفی سەر بە ئیدارەی گەرمیان لەناو ماڵەكەی خۆیان كوژران، هاوكات كوشتنی ئەو كوڕو باوكەش پەیوەندی بە دۆسیەی كوشتنەكەی ئەكبەری حاجی رۆستەمەوە هەیە.

بەگوێرەی ئەو زانیارییانەی كە لەسەرچاوەیەكی ئەمنی ئیدارەی گەرمیان بە SNNدراون ئەوەخراوەتەڕوو، پێش نیوەڕۆی ئەمڕۆ لە قەزای كفری كوڕو باوكێك لە ماڵەكەی خۆیان بە دەستڕێژی گولـلە كوژراون، هاوكات ئەو ڕووداوەش پەیوەندی بە دۆسیەی كوشتنی ئەكبەری حاجی ڕۆستەمەوە هەیە.

ئاماژەی بەوەشكرد، ئەو دووكەسەی كوژران بە ڕەگەز عەرەبن، هاوكات بەگوێرەی زانیارییە سەرەتاییەكان ئەو كەسانەی هەستاون بە كوشتنی ئەو دوو هاووڵاتییە، كەسانی نزیك لە ئەكبەری حاجی ڕۆستەمن و وەك تۆڵەكردنەوەیەك لە كوشتنی ناو براو ئەو كارەیان ئەنجامداوە.

ئەوەش لەكاتێكدایە كە ئەمڕۆ هەواڵی دەستگیركردنی سێ‌ كەس بە ڕەگەز عەرەب لە فڕۆكەخانەی بەغدا بڵاوبوویەوە، كە دەستیان هەبووە لە كوشتنی ئەكبەری حاجی ڕۆستەم.