گەڵف کیستۆن: هەناردەی نەوتی کێڵگەی شێخان بەم زووانە دەستپێدەکاتەوە

SNN-

کۆمپانیای گەڵف کیستۆن، یەکێک لە کۆمپانیا بەرهەمهێنەرەکانی نەوت لە هەرێمی کوردستان، رایگەیاند، وەک بەشێک لە ڕێککەوتنی نوێ، پێشبینی دەکرێت لە چەند ڕۆژی داهاتوودا هەناردەکردنەوەی نەوت لە کێڵگەی شێخان دەستپێبکاتەوە.

کۆمپانیاکە لە ڕاگەیەندراوێکدا ئاشکرای کردووە، بەپێی ڕێککەوتنەکە، کۆمپانیای سۆمۆی عێراقی ئەرکی گواستنەوەی نەوت لە فیشخابوورەوە بۆ بەندەری جەیهان لە ئەستۆ دەگرێت.

ئاماژەی بەوەشکردووە، “بەپێی یاسای بودجەی عێراق، تێچووی بەرهەمهێنان و گواستنەوەی نەوت بە کۆمپانیاکان دەدرێتەوە و تەواوی ڕێککەوتنەکەش لەسەر بنەمای یاسای بودجە و گرێبەستە هاوبەشەکانی بەرهەمهێنانە.”