بافڵ جەلال تاڵەبانی، سهرۆكى یهكێتیی نیشتمانیی كوردستان | فۆتۆ: SNN
SNN-
بە فەرمانی بافڵ جەلال تاڵەبانی، سەرۆکی یەکێتیی نیشتمانیی کوردستان، بڕی 200 ملیۆن دینار بۆ کردنەوەی سێ کۆلێژی نوێ لە زانکۆی هەڵەبجە و دابینکردنی پێداویستییەکانیان خەرجدەکرێت.
دکتۆر رەنجدەر محەمەد: بەهۆی قەیرانی داراییەوە توانامان سنووردارە
دکتۆر رەنجدەر محەمەد، جێگری سەرۆکی زانکۆی هەڵەبجە بۆ کاروباری خوێندکاران، رایگەیاند: “بەهۆی قەیرانی دارایی و کەمیی داهاتی زانکۆوە، ناتوانین پێویستییەکانی زانکۆ دابین بکەین”. ناوبراو ئاماژەی بەوەشکرد، “زۆربەی بەشە گرنگەکانی زانکۆ بە هاوکاری و بڕیاری بافڵ جەلال تاڵەبانی دابینکراوە و مەکتەبی ئیداری و دارایی یەکێتی بۆ جێبەجێکردنی بڕیارەکە راسپێردراوە”.
ئامادەکاری بۆ ساڵی نوێی خوێندن
زانکۆی هەڵەبجە رۆژی 28ـی ئەیلولی وەک یەکەم رۆژی دەستپێکی خوێندن دیاریکردووە و سەرجەم ئامادەکارییەکانی بۆ پێشوازیکردن لە خوێندکاران تەواوکردووە. هەروەها بەشەناوخۆییەکانی کوڕان و کچانیش بۆ وەرگرتنی خوێندکاران ئامادەن.
