SNN لیستی دابەشكردنی مووچەی سبەینێ بڵاودەكاتەوە

عەلی حەمە سەعید-SNN

دوای ئەوەی ئەمڕۆ وەزارەتی دارایی عێراق بڕی زیاتر لە 956 ملیار دیناری خستە سەر هەژماری حسابی وەزارەتی دارایی هەرێم، وابڕیارە ئێوارەی ئەمڕۆ وەزارەتی دارایی لیستی مووچە بلاو بكاتەوە و سبەی چوار شەممە دەستبكرێت بەدابەشكردنی مووچە، هاوكات SNNئەو شوێنانە بلاودەكاتەوە كە سبەی مووچە وەردەگرن.

بەگوێرەی ئەو زانیارییانەی كە لە بەرپرسێكی وەزارەتی دارایی هەرێم بە SNNدراون ئەوە خراوەتەڕوو، بەگوێرەی ئەو لیستەی كە ئامادەكراوە بۆ دابەشكردنی لیستی مووچەی مانگی حەوت، سبەی چوار شەممە 1/10/2025 مووچەی مانگی حەوتی ( خانەنشینانی شارستانی، خاوەن پێداویستی تایبەت، زیندانیانی سیاسی، بەركەوتووانی چەكی كیمیایی و كەسوكاری شەهیدان)دابەشدەكرێت

ئاماژەی بەوەشكرد، ئەگەری زۆر هەر سبەی چوار شەممە هەریەكە لە وەزارەتەكانی( پەروەردە،دارایی و ئابوری، دەستەی دەستپاكی، و دەستەی وەبەرهێنان و خانەنشینی سەربازی و كۆمیسۆنی هەڵبژاردنەكان) مووچە وەربگرن، ئەگەر سبەینێش فریا نەكەون ئەوا بەدڵنیایی ڕۆژی پێنج شەممە ئەو شوێنانە لەگەڵ چەند شوێنێكی دیكە مووچەكانیان دابەشدەكرێت و تا سەرەتای هەفتەی داهاتوو دابەشكردنی مووچە كۆتایی دێت.

ئەو بەرپرسەی وەزارەتی دارایی ئەوەشی وت، ئەو فەرمانبەرانەی مووچەكانیان لەسەر هەژماری منە، لە ئێوارەی ئەمڕۆوە نامەیان بۆ دەچێت و دەتوانن سەردانی ATMەكان بكە نبۆ ڕاكێشانی پارەكانیان.