بۆیەكلاكردنەوەی یاسای خانەنیشنی سەربازی، شاندێكی وەزارەتی پێشمەرگە لە بەغدان

عەلی حەمە سەعید-SNN

بەمەبەستی یەكلایكردنەوەی كاركردن بە یاسای خانەنشینی سەربازی لەنێوان دوو یاسا لەعێراق و هەرێمی كوردستان، شاندێكی وەزارەتی پێشمەرگە لە بەغدایە، ئەگەر یاساكەی بەغدا جێبەجێبكرێت مووچەی پلەباڵاكانی خانەنیشنی سەربازی لەهەرێم كەمدەكات

بەگوێرەی زانیارییەكانی SNNلەدوێنێوە شاندێكی وەزارەتی پێشمەرگە كە نوێنەری وەزارەتی دارایی هەرێم و هێزەكانی یەكەی 70 و 80 تیایدا ئەندامن سەرجانی بەغدایان كردووە و لەگەڵ دەستەی گشتی خانەنشینی سەربازی عێراق کۆدەبنەوە، ئەوەش بەمەبەستی ئەوەی داوا

لەلایەنی بەرامبەر بكەن یاسای ژمارە 38ـی ساڵی 2007 كە لە پەرلەمانی كوردستان دەرچووە جێبەجێ بكرێت بۆ خانەنشینی سەربازی لەهەرێمی كوردستان.

ئاماژەی بەوەشكرد، ئێستا لەعێراق بۆ خانەنشینی سەربازی و شارستانی كاربە یاسای ژمارە 9ـی ساڵی 2014 دەكرێت، ئەگەر ئەو یاسایەش بۆ خانەنشینی سەربازی لەهەرێمی كوردستان كاری پێبكرێت، ئەوا مووچەی پلەباڵاكانی خانەنشینی زۆر كەمدەكات، چونكە چیدیكە دەرماڵەكانیان بۆ خەرجناكرێت و هەر خانەنشینێك لەنێوان 500 تا ملیۆنێك دینار لەمووچەكانیان كەمدەكات.

هەر بە گوێرەی زانیارییەكانی SNN شاندەكەی هەرێم دەیانەوێت كار لەسەر ئەوە بكەن كە ئەگەر عێراق سووربوو لەسەر ئەوەی كە دەبێت كار بەیاسای ژمار 9ی ساڵی 2014 ی خانەنشینی بكرێت، ئەوا جارێكی دیكە داوادەكەن كە میكانیزمێك بدۆزینەوە كە خانەنشینانی پێشمەرگە زەرەرمەند نەبن، بەڵام نازاندرێت شێوازی ئەو میكانیزمە چۆنە.