SNN-
بەگوێرەی داتاکانی “پێگەی شەفافییەت”، کۆی داهاتی نانەوتیی سنووری پارێزگاکانی سلێمانی و هەڵەبجە و ئیدارەکانی گەرمیان و راپەڕین لە مانگی ئەیلولی رابردوودا، 62 ملیار و 433 ملیۆن دینار بووە.
وردەکاریی داهاتی مانگی ئەیلول
داهاتەکەی مانگی ئەیلول بریتی بووە لە 54 ملیار و 701 ملیۆn دینار بە شێوەی نەختینە (کاش) و حەوت ملیار و 728 ملیۆن دیناریش بە چەک بووە. ئەم داهاتە بەراورد بە مانگی ئاب، کە 70 ملیار و 881 ملیۆn دینار بوو، بە رێژەی 12% کەمیکردووە.
کۆی داهاتی نۆ مانگی رابردوو
کۆی گشتیی داهاتی نانەوتی لە سنووری پارێزگای سلێمانی و هەڵەبجە لە ماوەی نۆ مانگی یەکەمی ئەمساڵدا گەیشتووەتە 685 ملیار و 437 ملیۆن دینار، کە تێکڕای مانگانە دەکاتە 76 ملیار و 159 ملیۆن دینار.
میکانیزمی کۆکردنەوەی داهات
داهاتی نانەوتیی سنووری سلێمانی لە رێگەی شەش گەنجینەوە کۆدەکرێتەوە و لەلایەن 828 فەرمانبەرەوە سات بە سات دەخرێتە سیستمی “پێگەی شەفافییەت”ـەوە. ئەم داهاتانە لە رێگەی 28 وەزارەت و دەستە، 109 بەڕێوەبەرایەتیی گشتی، 516 بەڕێوەبەرایەتی و 781 فەرمانگەوە کۆدەکرێنەوە.
