لیستی مووچەی مانگی ئەیلول رادەستی بەغدا کرا
وەزارەتی دارایی و ئابوری هەرێم
SNN
وەزارەتی دارایی و ئابووریی حکومەتی هەرێمی کوردستان رایگەیاند، لیستی مووچەی مانگی ئەیلولی فەرمانبەران و مووچەخۆرانی هەرێمی کوردستانیان رادەستی وەزارەتی دارایی حکومەتی فیدراڵ کرد.
رادەستکردنی لیستەکە
لە راگەیەندراوێکدا کە ئەمڕۆ چوارشەممە، 1ـی تشرینی یەکەمی 2025 بڵاویکردووەتەوە، وەزارەتی دارایی و ئابووری ئاشکرایکردووە، تیمی تەکنیکیی وەزارەت، لیستی مووچەی مانگی ئەیلولی رادەستی فەرمانگەی ژمێریاریی وەزارەتی دارایی حکومەتی فیدراڵ کردووە.
هەنگاوێک بەرەو دابینکردنی مووچە
رادەستکردنی لیستی مووچەی مانگی ئەیلول، بەشێکە لە رێکارە پێویستەکان بۆ دابینکردنی پارەی پێویست لەلایەن بەغداوە و ئامادەکارییە بۆ دابەشکردنی مووچەی ئەو مانگە لە کاتی خۆیدا.
