بانگەشەی هەڵبژاردنی پەرلەمانی عێراق دەستپیدەکات

SNN-

کاتژمێر 12:00ی ئەمشەو بانگەشەی هەڵبژاردنی پەرلەمانی کوردستان دەستپێدەکات و وتەبێژی کۆمیسیۆنی باڵای سەربەخۆی هەڵبژاردنەکانی عێراقیش دەڵێت: ئەو کاندید و حزبانەی کە بانگەشەی پێشوەختەیان کردووە سزادراون.

“سەرپێچیکارانی بانگەشە سزادران”

جومانە غەلای، وتەبێژی کۆمسیۆنی باڵای سەربەخۆی هەڵبژاردنەکانی عێراق رایگەیاند، ئەو کاندید و حزبانەی کە پێش وادەی دیاریکراو دەستیان بە بانگەشە کردووە، سزادراون، ئەگەر پاش سزادانەکە، بانگەشە و فلێکسەکانیان لانەبردبێت، سزاکەیان کراوەتە دوو هێندە.

دەشڵێت:” ئەو کاندید و لایەنانەی کە پۆست و پلە و پایەی حکومییان بۆ بانگەشە بەکارهێنابێت، بە بڕی پێنج تاوەکو 10 ملیۆن دینار سزادەدرێن”.

“دڵنیایی لە پاک و بێگەردیی پرۆسەکە دەدەین”

وتەبێژی کۆمیسیۆن دڵنیایی دایە هاووڵاتییان لە پاکیی پرۆسەی هەڵبژاردنی داهاتوو و وتی: “ئەنجامدانی هەڵبژاردنەکانی رابردوو بە سەرکەوتوویی، گەواهیدەری کارەکانمانە”.

جومانە غەلای دەشڵێت: کێشەکانی پێشووتری وەک نەخوێندنەوەی پەنجەمۆری دەنگدەران چارەسەرکراون و ئێستا ئامێری ناسینەوەی رووخسار لە وێستگەکانی دەنگدان جێگیرکراوە و ئەو گرفتانە هەمووی چارەسەرکراون”.