عەممار حەکیم: مام جەلال هێمای دانایی و پردی بەیەکگەیشتنی ناکۆکەکان بوو
SNN-
عەممار حەکیم، سەرۆکی رەوتی حیکمە، لە هەشتەمین ساڵیادی کۆچی دوایی مام جەلالدا رایگەیاند، مام جەلال هێمای دانایی و هاوسەنگی و پردی بەیەکگەیشتنی هێزە سیاسییە ناکۆکەکان بوو.
“هێمای دانایی و هاوسەنگی بوو”
عەممار حەکیم لە پەیامێکدا رایگەیاند: “لە هەشتەمین ساڵیادی کۆچی دواییدا، مام جەلال تاڵەبانی، سەرۆکی پێشووتری عێراق، هێمای دانایی و هاوسەنگی بوو، دەنگی کۆکەرەوە و تێپەڕاندنی ناکۆکییەکان بوو.”
“پردی بەیەکگەیشتنی هێزە سیاسییە ناکۆکەکان بوو”
سەرۆکی رەوتی حیکمە دەشڵێت: “مام جەلال پردێک بوو بۆ بەیەکگەیشتنی نێوان هێزە سیاسییە جیاوازەکان و شایستەی ئەوەبوو ‘سەمام ئەمان’ـی (زەمانەتی) یەکپارچەیی عێراق و سەقامگیرییەکەی بێت لە سەختترین کاتەکاندا.”
مام جەلال تاڵەبانی، یەکەم سەرۆککۆماری کورد لە مێژووی عێراقدا، رۆژی 3ـی تشرینی یەکەمی 2017 کۆچی دوایی کرد.
