سبەینێ چوارشەممە، ئەنجوومەنی وەزیرانی هەرێم لەسەر چارەنووسی پێنج مووچەكەی ئەمساڵ كۆدەبێتەوە.

SNN

بەپێی كارنامەی كۆبوونەوەكە، گفتوگۆ لەسەر دۆخی دارایی هەرێمی كوردستان و داهاتی مانگانەی هەرێمم دەكرێت و تیایدا بڕیار لەبارەی مووچەی 5 مانگی ئەمساڵ دەدرێت، كە هێشتا نەدراوە بە مووچەخۆران.

ئەمە لەكاتێكدایە، كە ئەمڕۆ ئەنجوومەنی وەزیرانی عێراق كۆبووەوە و هیچ بڕیارێك دەربارەی مووچەی مانگی 8 نەدرا، بەڵام بە وتەی سەرچاوەكانی ناو كۆبوونەوەكە، كە میدیاكانی یەكێتی بڵاویانكردۆتەوە، سودانی ڕایگەیاندووە، بڕیاریان پێشتر داوە و هەركات هەرێم داهاتی ناوخۆی نارد، مووچەش ڕەوانە دەكرێت.