نرخی زێڕ زیاتر بووەوە

SNN

ئەمڕۆ یەک ئۆنسە زێڕ 20 دۆلاری دیکەی چووەتە سەر و یەک مسقاڵ زێڕی عەیارە 22ش بە لە سەرووی 900 هەزار دینارەوەیە.

لەگەڵ کردنەوەی بازاڕە جیهانیەکان ئەمرۆ نرخی یەک ئۆنسە زێڕ بە 4 هەزار و 221 دۆلار و 10 سەنت بوو، ئەمەش لە کاتێکدایە دوێنێ نزیکەی 4 هەزار و 200 دۆلار بوو.

هاوکات لە بازاڕەکانی هەرێمی کوردستانیش نرخی یەک مسقاڵ زێڕی عەیارە 18 بە 743 هەزار، زێڕی عەیارە 21 بە 867 هەزار و عەیارە 22 بە 908 هەزار و عەیارە 24 بە 992 هەزار دینار مامەڵەی پێوەدەکرێت.

بەرزبوونەوەی بەرچاوی نرخی زێڕ دوای ئەوە هات کە پەیوەندییە بازرگانییەکانی چین و ئەمریکا گرژییەکی زۆری تێکەوتووە.

کۆمپانیای راوێژکاریی بلو لاین فیوچەرز پێشبینی دەکات، کە تا کۆتایی ئەمساڵ نرخی یەک ئۆنسە زێڕ بگاتە سەرووی 5 هەزار دۆلار.