دەست بە دابەشکردنی پارەی جوتیاران دەکرێت

SNN

وەزارەتی بازرگانی و پیشەسازی هەرێمی کوردستان ڕایگەیاند،  بڕی 15 ملیار و 500 ملیۆن دینار وەک شایستەی گەنمی جوتیاران بۆساڵی 2025 خراوەتە سەر هەژماری وەزارەتی بازرگانی.

ئاماژەی بەوەشکردووە، شەش ملیار دینار بۆ جوتیارانی سلێمانی، پێنج ملیار دینار بۆ هەولێر و چوار ملیار و 500 ملیۆن دیناریش بۆ دهۆک.

ئەمڕۆ لە هەولێر دەست بە دابەشکردنی پارەکە دەکرێت و هەفتەی داهاتووش لە سلێمانی و دهۆک دەست پێدەکات.

بەپێی راگەیەندراوەکەی وەزارەتی بازرگانی، بەپێی ڕۆژی ڕادەستکردنی گەنمەکانیان بۆ ئەو جوتیارانەی لە یەک تۆن هەتا پەنجا تۆنیان لێ وەرگیراوە شایستەکان وەردەگرن، پاشان ئەوانەی بڕی زیاتریان ڕادەست کردووە وەریدەگرن.