ئامارەكانی یازدەهەمین فێستیڤاڵی هەنار ڕاگەیەندران
عەلی حەمە سەعید- SNN
ئێوارەی ئەمڕۆ لەگەڵ كۆتایی هاتنی سێیەم ڕۆژی فێستیڤاڵی هەنار، ئامارەكانی هاتنی گەشتیاران و ڕێژەی كڕین و فرۆشتنی كاڵا و شمەك خرانەڕوو، كە ئامارەكان بەراورد بە ساڵی ڕابردوو زۆر زیادیان كردووە.
بەگوێرەی ئەو ئامارانەی كە لیژنەی بالای فێستیڤاڵ خستنیانە ڕوو، لەماوەی سێ ڕۆژی ڤیستیڤاڵەكەدا 419 هەزار و 700 سەردانیكەر و گەشتیار ڕوویان لە فێستیڤاڵی هەنار كردووە.
ئاماژەیان بەوەشكرد، لەماوەی سێ ڕۆژی فێستیڤاڵدا 81 هەزار ئۆتۆمبێلی بچوك هاتوونەتە فێستیڤاڵەکە، هاوكات 720 مینی پاس و 55 پاسی گەورەی گەشتیاری و چوار هەزار و 900 ماتۆڕسكیلی گەشتیاریان هێناوەتە ناو ڤیستیڤاڵەكەوە.
هاوكات لەماوەی سێ ڕۆژی ڕابردووی ڤیستیاڤاڵی هەنار، بە بڕی یەك ملیار و 700 ملیۆن دینار كالاو شمەك فرۆشراون، لەو بڕە پارەیە بەبڕی 700 ملیۆن دینار بەرهەمی كشتوكالی فرۆشراون، هاوكات بەبڕی 800 ملیۆن دینار بەرهەمی خواردەمی فرۆشراون، هەروەها بەبڕی 200 ملیار دیناریش بەرهەمی كاری دەستی فرۆشراون.
