دوای نزیکەی سێ ساڵ درەنگانێکی ئەمشەو یەکەم فڕۆکە لە تورکیاوە دەگاتە فڕۆکەخانەی نێودەوڵەتی سلێمانی

SNN-

لە3- 4 – 2024 وە تورکیا قەدەغەی گەشتەکانی بۆ فڕۆکەخانەی سلێمانی دەستپێکرد، دوای چەند جارێک لە درێژکردنەوەی بڕیار درەنگانێکی ئەمشەو یەکەم گەشتی ئاسمانی لە نێوان تورکیا و سلێمانیدا دەستپێبکاتەوە و نزیک کاتژمێرکانی یەکی شەو یەکەم فڕۆکەی نەفەر هەڵگر بگاتە فڕۆکەخانەی سلێمانی.

ئەمشەو سەعات 10:30 یەکەم فڕۆکە، دوای نزیکە سێ ساڵ بە زیاتر لە 160 سەرنشینەوە لە جۆری بۆینگ لە تورکیاوە دەفڕێت و وەک ئەوەی لە گەشتەکەدا دیاریکراوە سەعات یەکی شەو دەگاتە فڕۆکەخانەی سلێمانی.

بەگوێرەی زانیارییەکانی فڕۆکەخانەی سلێمانی، هەمان فڕۆکە لە سەعات سێ بەرەبەیانی سبەینێ گەشتێکی پێچەوانە دەکات و بە ژمارەیەک سەرنشینەوە سلێمانییەوە بەرەو تورکیا جێدەهێڵێت.

بە گوێرەی خشتەی فڕۆکەخانەی نێودەوڵەتی سلێمانی، ئیتر هەموو هەفتەیەک چوار گەشت لە نێوان تورکیا و سلێمانیدا دەبێت.