شێرکۆ میروەیس: یەکێتیی لە پارێزگاى دیالە یەک کورسى مسۆگەر کردووە

SNN-

لەکاتێکدا ئەنجامە بەراییەکانی هەڵبژاردن وردە وردە دەردەکەون، یەکێتیی نیشتمانیی کوردستان مسۆگەرکردنی کورسییەکی پەرلەمانی لە پارێزگای دیالە ڕادەگەیەنێت. لێپرسراوی مەڵبەندی خانەقینی حزبەکە ئاشکرای دەکات، سەرەڕای نزمیی ڕێژەی گشتیی بەشداریکردن، دەنگەکانی یەکێتی زیادیان کردووە.

کورسییەکی “مسۆگەر”

شێرکۆ میروەیس، لێپرسراوی مەڵبەندی خانەقینی یەکێتیی نیشتمانیی کوردستان، ڕایگەیاند،” یەکێتیی نیشتمانیی کوردستان لە پارێزگاى دیالە یەک کورسى مسۆگەر کردووە”.

زیادبوونی دەنگەکان سەرەڕای نزمیی بەشداری

میروەیس ڕوونیکردەوە، هەرچەندە بەگشتى ڕێژەى بەشدارى لە پارێزگاى دیالە کەمبووە، بەڵام “دەنگەکانى یەکێتى زیادی کردووە”