کۆمیسیۆن: ڕێژەی بەشداری 56%ی تێپەڕاند

SNN

کۆمیسیۆنی باڵای سەربەخۆی هەڵبژاردنەکان، ئاماری فەرمی و کۆتایی ڕێژەی بەشداریکردنی لە هەڵبژاردنەکانی پەرلەمانی عێراقدا ڕاگەیاند. بەپێی ئامارەکان، نزیکەی 12 ملیۆن کەس دەنگیان داوە، پارێزگای دهۆکیش بەرزترین ڕێژەی بەشداریکردنی تۆمارکردووە.

ئامارە کۆتاییەکان چۆن بوون؟

بەپێی داتا فەرمییەکانی کۆمیسیۆن:

کۆی گشتیی ڕێژەی بەشداری (تایبەت و گشتی): 56.11%

کۆی گشتیی ژمارەی دەنگدەران: 12,009,453 کەس.

دهۆک لە پێشەوە و میسان لە کۆتایی

جیاوازییەکی گەورە لەنێوان ڕێژەی بەشداریکردنی پارێزگاکاندا هەبوو:

زۆرترین ڕێژەی بەشداری: پارێزگای دهۆک بە ڕێژەی 76.03% پلەی یەکەمی گرت.

کەمترین ڕێژەی بەشداری: پارێزگای میسان بە ڕێژەی 40.11% کەمترین ڕێژەی بەشداریکردنی تۆمارکرد.