سودانی: بۆ پێکهێنانی حکومەتی نوێ دەرگامان کراوەیە بۆ سەرجەم لایەنەکان
محهمهد شیاع سودانى، سهرۆكوهزیرانى عێراق | فۆتۆ: IFG
SNN
محەمەد شیاع سودانی، سەرۆکوەزیرانی عێراق و سەرۆکی هاوپەیمانی ئاوەدانکردنەوە و گەشەپێدان رایگەیاند، هاوپەیمانێتیەکەی کراوەیە بە رووی سەرجەم لایەنەکاندا بە مەبەستی پێکهێنانی حکومەتی نوێ.
هاوپەیمانی ئاوەدانکردنەوە و گەشەپێدان توانیویەتی زیاتر لە یەک ملیۆن و 300 هەزار دەنگ بەدەستبهێنێت و یەکەمی سەر ئاستی عێراقە و دوای راگەیاندنی فەرمی ئەنجامە بەراییەکان، سودانی داوای کرد ڕێز لە ئیرادەی دەنگدەران بگیرێت و جەختی لەوەکردەوە کە کار بۆ ڕەچاوکردنی بەرژەوەندییەکانی هەموو عێراقییەکان دەکات و دەرگایان كراوەیە بۆ سەرجەم لایەنەكان.
وتیشی: كاردەكەین بۆ بەدیهێنانی ویستی هەمو خەڵكی عێراق، بەوانەشەوە كە بایكۆتیان كردوە، چونكە عێراق هی هەمووانە. ئەوەشی خستەڕوو، “کێبڕکێی هەڵبژاردن کۆتایی هاتووە، داوا لە هەموو لایەک دەکەم بەرژەوەندی نیشتمانی بخەنە سەرووی هەمو شتێکەوە بۆ ئەوەی خزمەت بە عێراقییەکان بکەن”.
سودانی لە پەیامەكەیدا جەختیكردەوە، “قۆناغی داهاتوو، ئامانجی پێکهێنانی حکومەتێکی نوێیە کە توانای جێبەجێكردنی بەڵێن و بەرنامەکانی هەبێت”.
