بافڵ جەلال تاڵەبانی، پێشوازی لە ئەندرۆ بیزلی، کونسوڵی گشتیی بەریتانیا لە هەرێمی کوردستان کرد

SNN

لە دیدارێکدا ئەنجامەکانی هەڵبژاردنی ئەنجوومەنی نوێنەرانی عێراق تاوتوێکرا و جەخت لە بەردەوامی هەماهەنگی نێوان لایەنەکان لەپێناو پاراستنی سەقامگیری و ئارامی لە وڵاتدا کرایەوە.

سەرۆک بافڵ پێویستی یەکگرتوویی و یەکڕیزیی کوردی لەم قۆناغە دووپاتکردەوە و وتی، “بەهێزیمان و پاراستنی مافەکانمان پەیوەستە بە تەبایی و پێکەوەیمان لە بەغداد.”

لەبارەی کێشەکانی هەرێمی کوردستان و عێراق، سەرۆکی یەکێتیی نیشتمانیی کوردستان رایگەیاند، هەموو هەوڵێک دەدەین تاوەکو لەسەر بنەمای دەستوور پرسەکان یەکلابکەینەوە، تاوەکو چی دیکە خەڵک نەکرێنە قوربانی و حکومەتێک لە عێراق بنیادبنرێت کە خزمەتگوزاربێت و خزمەتی هەمووان بکات بەبێ جیاوازی.