سودانی: دڵخۆشم بە سەرکەوتنەکانی یەکێتیی نیشتمانیی کوردستان

SNN

ئەمڕۆ پێنجشەممە، محەمەد شیاع سودانی، سەرۆکوەزیرانی عێراق و بافڵ جەلال تاڵەبانی، سەرۆکی یەکێتیی نیشتمانیی کوردستان، لە پەیوەندییەکی تەلەفۆنیدا پیرۆزبایی سەرکەوتنیان لە هەڵبژاردنی ئەنجوومەنی نوێنەرانی عێراق لە یەکتر کرد.

پیرۆزبایی سودانی

بەپێی نووسینگەی رۆژنامەوانیی سەرۆکی یەکێتیی نیشتمانیی کوردستان، محەمەد شیاع سودانی، کە هاوکات سەرۆکی هاوپەیمانیی ئاوەدانکردنەوە و گەشەپێدانە، پیرۆزبایی لە بافڵ جەلال تاڵەبانی کردووە بەبۆنەی سەرکەوتنی حزبەکەی لە هەڵبژاردنەکاندا و دڵخۆشی خۆی بەو سەرکەوتنانە دەربڕیوە.

وەڵامی تاڵەبانی

لەلایەن خۆیەوە، بافڵ جەلال تاڵەبانی پیرۆزبایی سەرکەوتنی لە محەمەد شیاع سودانی کردووە بەبۆنەی سەرکەوتنی هاوپەیمانیی ئاوەدانکردنەوە و گەشەپێدان.