بارانبارین دەستپێدەکاتەوە
بارانبارین له سلێمانى | فۆتۆ: SNN
SNN
دەستەی کەشناسی عێراق دواین پێشبینییەکانی خۆی لەبارەی دابەزینی پلەکانی گەرماوە خستەڕوو
دەستەکە ئاماژە بەوە دەکات، لەمڕۆوە نزمە پاڵەپەستۆییەک لە دەریای سپی ناوەڕاستەوە روو لە تەواوی عێراق و بەتایبەتی ناوەڕاست و باشووری عێراق دەکات، ئەمەش وا دەکات رۆژەکە تەواو بە هەور بمێنێتەوە.
روونیشی دەکاتەوە، لە ئێوارەی ئەمڕۆ هەینییەوە، لە بەشێکی زۆری ناوچەکانی عێراق بارانبارین دەستپێدەکات، هەروەها، لە ناوچەکانی باکووری عێراق باران تا دوو رۆژی ئایندە، واتا رۆژانی شەممە و یەکشەممە بەردەوام دەبێت، هەروەها لە ناوچە شاخاوییەکان بەفربارین دەستپێدەکات.
دەستەکە دەشڵێت، لەگەڵ هاتنی شەپۆلە سەرتاسەرییەکەی سەر عێراق پلەکانی گەرماش روو لە نزمبوونەوە دەکەن بە جۆرێک لە ناوەڕاست و باشووری عێراق ١ بۆ ٢ پلە و لە باکووری عێراق ٣ بۆ ٦ پلە.
