شاندێکی یەکێتی لە بەغدایە؛ لەگەڵ سوودانی جەخت لە “پێکهێنانی خێرای حکومەت” دەکەنەوە

SNN-

شاندێکی باڵای یەکێتیی نیشتمانیی کوردستان لە بەغدا لەگەڵ محەمەد شیاع سودانی کۆبوونەوە و گفتوگۆیان لەبارەی نەخشەڕێگای قۆناغی داهاتوو و پێکهێنانی کابینەی نوێ کرد.

پێکهاتەی شاندەکەی یەکێتی

بەگوێرەی زانیارییەکان، شاندەکەی یەکێتی پێکهاتبوو لە هەریەکە لە: (نزار ئامێدی، لێپرسراوی مەكتەبی سیاسی یەكێتی لەبەغداد، خالید شوانی، وەزیری داد و ڕزگار حاجی حەمە، سەرۆکی دەزگای هەڵبژاردنی حیزبەکە).

پێکهێنانی حکومەت و ئەرکەکان

لە کۆبوونەوەکەدا هەردوولا جەختیان لەسەر بەهێزکردنی هاوبەشی و هاریکاریی نێوان هێزە نیشتمانییەکان کردەوە، بەمەبەستی “خێرا جێبەجێکردنی ئەرکە سیاسییەکان و پێکهێنانی حکومەتێک” کە توانای جێبەجێکردنی کارە لەپێشینەکانی ئەم قۆناغەی هەبێت.

پەیامی نووسینگەی سوودانی

نووسینگەی محەممەد شیاع سودانی لەبارەی کۆبوونەوەکەوە ڕایگەیاند: “جەختمان لەسەر گرنگیی کاری هاوبەش بۆ پاراستنی سەقامگیری و پابەندبوون بە دەستوور کردەوە، وەک چوارچێوەی بنەڕەتی بۆ پاراستنی دامودەزگاکانی دەوڵەت و گرەنتیی مافی هاوڵاتییان”.

پیرۆزبایی سەرکەوتن

لە بەشێکی دیکەی دیدارەکەدا، بەبۆنەی سەرکەوتنی پڕۆسەی هەڵبژاردنەوە پیرۆزباییان لە یەکدی کردووە و دواین پێشهاتە سیاسییەکانی عێراقیان تاوتوێ کردوو