بافڵ جەلال تاڵەبانی: هەوڵەکانمان بۆ خزمەتکردنی زیاتری خەڵکە خۆشەویستەکەمان هێمای وەفاداریمانە بۆ شەهیدان
SNN-
بافڵ جەلال تاڵەبانی، سەرۆکی یەکێتی نیشتمانی کوردستان لە رۆژی شەهیدی یەکێتی پەیامێکی بڵاوکردەوە و رایگەیاند: بە شانازییەکی زۆرەوە، ئەمڕۆژە بەرز ڕادەگرێن و بە شکۆوە یادی هەموو ئەو شەهیدانەمان دەکەینەوە کە بە خوێنی خۆیان کوردستانەکەمانیان گەیاند بە ئەمڕۆ.
“ئەم رۆژە رۆژی شانازییمانە”
سەرۆکی یەکێتی دەشڵێت: رۆژی شەهیدی یەکێتی، رۆژی شانازی و هەڵدانەوەی لاپەڕە پڕشنگدارەکانی مێژووی خەباتی کوردایەتیمانە، بۆ ئێمەش ساتی بیرهێنانەوەی ئەو قوربانییانەیە کە رۆڵەکانی یەکێتی بۆ بزووتنەوەی رزگاریخوازی کوردایەتی خوێنی خۆیان کردە خەڵاتی بەدیهێنانی ئامانجە باڵاکانی گەلەکەمان.
“خەمی کەسوکاری شەهیدانمان لەیاد نەکردووە”
سەرۆک بفاڵ دەشڵێت:”یەکێتی بە شانازییەکی زۆرەوە، ئەمڕۆژە بەرز ڕادەگرێت و بە شکۆوە یادی هەموو ئەو شەهیدانەمان دەکەینەوە کە بە خوێنی خۆیان کوردستانەکەمانیان گەیاند بە ئەمڕۆ و ئێمە خەم و ئازاری چەند ساڵەی کەسوکاری سەربەرزی شەهیدانمان لەیادنەکردووە.
“زیاتر خزمەتیان دەکەین”
لە کۆتایی پەیامەکەیدا دەشڵێت:”هەوڵەکانمان بۆ بوونیادنانی داهاتوویەکی گەشتر و خزمەتکردنی زیاتری خەڵکە خۆشەویستەکەمان، هێمای وەفاداری و دڵسۆزیمانە بۆ شەهیدان و ئەو بەها باڵایانەی رۆحی خۆیان لەپێناودا بەخشیوە”.
